قصيده مره حزينه .......... بعنوان : يبه وينك مشتاقه لسواليفك ....... منقولة

**شعاع الهدى** · 09-15-2011, 01:07 PM

يبة وينك انا مشتاقة لعيونك..!!
انا بنتك انا الي دوم تدلعها تحاكيها وتفرحها
حلا عمري تناديها ....
يبة وينك تراني حيل محتاجة لكلمة حب ولهانة ..
يبة وينك مشتاقة لسواليفك لسهراتك وضحكاتك ...
مشتاقة للبسمة اذا قامت امي تناديلك ..

تبي تعرف اخباري علومي وكل اسراري ..؟
انا حبيت انا تولعت انا مشتاقة ..
انا اليوم يايبة عرفت الحب والوانة ..
انا ذقتة تجرعتة وطعم الشوق هو بابة ..
يبة وينك تعال ودي اسولف لك ..
تعال ودي احكيلك ..
انا ماني حلاك الي تركتها صغيرة ..
انا قلبي كبر وماعاد بيدي لا قدرة ولا حيلة ..
يبة حبيت انا انسان رجال بكل كلمة تطريبة ..
هذاك الي باحلامي ودوم اسولف لك عنة ..
تراة ماحد ماخذ عقلي سواة احبة يايبة اهواة..
يبة تعال انا محتاجة احكيلك..
تعال اجلس جنبي اسولف عليك وارويلك..
انا عندي لك اخبار سوالف عشق واسرار ..

تقولي سولفي ياروحي سولفي يابعد عمري..
يبة محتاجة تضمني بقوة حيل تحضني..
انا والله تعبانة من الدنيا وكل مافيها ..
ابي حضنك يضللني ابي كلمة حلا عمري..
وحشتني سواليفك وذيك النظرة بعينك..
وحشتني حكاوينا ..
وضحك مايخلينا ..
يبة وش تبي اسولفلك ..
عن امي الي حبها بقلبك ..
تراها دوم تبكيلك عيونها ماغدت كحلا ..
ولبس ماعاد يزهي..
يبة امي عافت الدنيا ..
في حبك ماتت وتحيا..
تذكرت ذيك اليالي يوم انت تغازلها ..
بكل الحب تدلعها تناديها وتضحكها..
واذا شفت الضحكة صرخت بعالي صوتك..
انا ياقلبي يابختة اموت فيها واعشقها..
تخجل امي وتسكت وانا وانت بعد نضحك..
تزيد امي بخجلها وانت تزيد بدلعها..
وحشتني ذيك اليالي ..
وفرح كان مالي حياتي..
يبة وينك ارد اقول انا وينك..
انا ادري انت وين وارد اسأل وتبكيك هالعين..
تمنيت يوم تتركني أمـوـوـوت واندفن بقبري..
ليش الدنيا من بعدك مااشوف فيها نور..

ليش احس اني وحيدة وقلبــي دوم مكسور..
اناودي تجاوبني تعودت انك تفهمني..
تضحكني..
تبكيني..
تعاتبني..
وتنصحني..
انا والله تعبانة انا والله تعبانة ..
يبة اسمعني وين ماكنت بتفهمني ..
انا مشتاقة لحضنك حيل حيل احضني..
طمني يبة الدنيا بترحمني..
بتحن علي وتتركني..
ولا بتذبحني بتدفني وانا حية ..
يبة في داخلي جمرة حزن بعيوني وعبرة..
يبة تعال اسمع مني اسراري ..
تعال و اعطيك اخباري ..
وسر في حشا روحي يسري ..مع دمي ....وانفآآسي
انا احب هالانسان ترى اسمة هو فلان..
لقيت بصدرة حب وعشق مالة ميزان..
انا احبة احسة دنيتي واغلى ..
انا اشوفة هوى عمري وعشق يحلى ..
حضني حيل وسماني حياة الروح واحلامي..
معاة العمر يبة زان حضني حيل دفاني..
معاة ماعدت اخاف عرفت في صدرة الامان..
يبة احتاجة بقربي يضللني ويحميني..
يبة احتاجة لروحي رفيق العمر وحبيبي..
يبة اسمعني ماحد غيرك بيسمعني ..
انا عاهدتة احبة وهو دايم يعاهدني..
اقولة اخاف من الدنيا ويقولي..
احبك احبك وهي دايم تطمني..
اذا شفت الحزن ليلة تراة يسمعني ويفهمني..
واذا ضحكت من قلبي تراة هو سر فرحي وضحكي..
انا من لي غيرة رجيتك يايبة علمني..
انا مو من حقي اختار اعيش بجنة ولا بنار..
انا هالانسان اخترتة ابية لعمري وعاهدتة..
احبة واعشقة لو مهما صار..
يبة بالله طمني انت راضي عني..
تبي تقولي جـوـود يابعد عمري انتي اخترتي..
يبة قولها ودي اسمعها ..
مابي غيرك يطمني …يهديني …يريحني..
مابي احكي عن اخواني وعن الي حطم احلامي..
عن الـدمـعة عن الـنظرة الـحزينه والـعـنا والآهـ..
عن الـبسمة و الإحساس أو الشـقا اللي فـ أيـامي..
تـرى في دمـعتي قـصة وأنـا في قـصتي مـأساة..
أشـوف الظلـم أشـوف الـكره مـعميهم وكـلن مـلتهي بـدنيـاه..
أشوف الـكل هـاجرني ويـقـرب لـحظة إعـدامـي..

أنـا والله لـي قـلبٍ حـنانـه هـو سبب بـلـواهـ ..
يالله تذكرتك يوم توصيني ..
تقولي ياحلا عمري..
اخاف عليك من قلبك ترية دافي..
يخوفني عليك ويذبحني..
انا لقيت الي يصونة وانا والله اغلى من عيونة..
يبة هو الي تتمناة وتوصيني ابد ماانساة ..
انا ودي تشوفة بعيوني..
تعال يايبة بعثر بقلبي ونبش بروحي..
تلاقي اسمة بقلبي وحبة يجري بدمي ...
انا اهواة انا اتمناة انا مابي من الدنيا سواة ...
انسان هادي بطبعة والخلق والثقل من اصلة..
انسان كلمتة كلمة والرجولة في دمة ..
اموت في سواليفة وضحكة..
والقسوة الي بصوتة لازعل مني وذيك النبرة..
احبة يدلعني ..
احبة يحاسبني..
يقولي لية ماتردي ..
وينك فية وين كنتي..
اموت في صوتة القاسي ونبرة شوقة الدافي..
اموت انا واحيا اذا قال انا اهوا..
اموت في سواليفة وخوفة وتعابيرة..
اسهر ليلي ادور لة واضم الصورة واقولة ..
احبك يابعد عمري..
احبك ياهوى عمري..
احبك ياهنا روحي وقلبي وبلسم جروحي..
تجاوبني الصورة وتحكيلي..
ولة وشوق يناديلي..
انا ادري بة يحبني مثل مااحبة ويبيني..
انا ادري بة يعشقني اموت فية ويحييني..
يايبة اسمعني ترى عندي سواليف..
يايبة خلني ذبحني التعب وذبحني الخوف..
خلني احكيلك عن انسان يرضيك..
تسلمني لة وانت متطمن ..
تقولة حطها بعيونك وأمن ..
تدري ويش بيجاوبك..
تدري وش بيقولك..
انا ادري بكل كلماتة بتفكيرة وعقلة وذاتة..
ادري وش اكون انا بنتك بحياته ..
انا الماضي وانا الحاضر..
انا دنياة وحلمة انا في نظرتة باكر..
ينتظر طيفي ونظرة تروية من عيني..
ينتظر حضني ولمسة حانية من ايديني..
ينتظر اروية تراة عطشان لحبي ..
ينتظر ادفية تراة بردان في بعدي..
انا دنياة انا اهلة وانا ناســه ..
انا فرحة وايامه واحزانه ..
يبة انا حلمة عشاني اجل احلامة..
وقالي انتي احلامي ..
معك بكرة تزين ايامي واحقق حلمي وانتي باحضاني..
يبة مااقدر اخلية وارضى بغيره واعطيه ..
انا مخلوقه عشانه افديه بعمري حله وحلاله..
يبة بالله ساعدني رجيتك لا تخليني ..
يبة بالله سامحني انت الي قلت احكيلي..
انا ادري فيك تفهمني ماحد غيرك بيسمعني..
وين ماتكون تسمعني..
انا والله تعبانه ولاحضانك ولهانه ..
انا الدنيا هدتني خذت مني هنا عمري..
وهالانسان هو حلمي فرح عمري..
مابيهم يبعدونه مابي احد ياخذه مني..
يايبة وينك تعال ولــه سلمني..
قوله تحبك تعشقك بنتي ..
يبة قوله ابيع الدنيا عشانه ..
ابيع العمر والروح والعين له ولهانه ..
ابي اكرس عمري لرضاتة ..
ابوسة بصبحي واضل بليلي سهرانه ..
ابي اشربه المويه بيدي واذا كح عليه اسمي..
ابي اغطية بلحافي واضمة حيل باحضاني..
ابي اكون لعبداللـه وفارس وحلا ام لعياله ..
يبة ابي وابي وماتكفيني اوراقي ..
وش الحيلة والدبرة هالانسان هو حياتي..
تدري انة يدلعني يقولي يابعد عمري..
تدري يقولي..
حبيبتي
دلوعتي
واحس اني..
واحس اني..
واحس اني..
عجزت اوصف احساس قلبي..
عجزت اوصف احساسي وحبي ..
يبة احبة هذا كل الي عندي..

يبة ان كان لي نصيب معاة بعيش فرحي..
وان كان افترقنا اتمنى بهالحظة يفنى عمري..

يبة وينك ابيك تجلس بجنبي تناظرني وتضحكلي

**احلا من سكر** · 09-16-2011, 04:41 AM

تسلمي عزيزتي - شعاع الهدي - وبارك الله فيك
وجزاءك الله خير ...
خاطره ولا اجمل وطرح ولا اروع
في قمة الفائده والروعه
فالتعبير جميل والاسلوب راقي وسلس
والاختيار موفق ينم ع ثقافة قلمك وجمال انتقائك
... ويظهر فيه تالقك وابداعك
....لذا فالخاطره تستوجب
التامل والتوقف عند عباراتها
وجمال مضامينها ورعة سردها...
لك من الود اجمله وأجزله ومن الثناء اصدقه واعذبه وارقه واذوقه

**وفاء** · 09-16-2011, 09:28 AM

حزينة

مشكورة حبيبتي على الطرح

الساهـر · 01-23-2012, 08:15 AM

الله المستعان
مشكورة
اختي عالكلمات المؤثرة
ودي ومحبتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

كلمة الإدارة	قال علي بن أبي طالب رضي الله عنه " أدبوا أبناءكم لزمانهم ، فإنهم خلقوا لزمان غير زمانكم "

الذين يشاهدون محتوى الموضوع الآن : 1 ( الأعضاء 0 والزوار 1)

إهداءات الأعضاء